Андижон шаҳрининг ўнлаб маҳаллаларидаги хонадонларда 6 март куни соат 17:00 га қадар газ таъминоти бўлмайди. Бу ҳақда «Ҳудудгаз Андижон» компанияси маълум қилди.
Хабар беришларича, 6 март, жума, куни «Куйганёр-3» газ тарқатиш шохобчаси тармоғида, Ю.Отабеков кўчасига туташ ҳудудларда, «Боғишамол-2» автоматик газ тарқатиш шохобчасининг (ГТШ) 1- ва 2-тармоқларида таъмирлаш ва оловли ишлар олиб борилади.
Шу муносабат билан Андижон шаҳрининг Шимолий кичик ва Қўшариқ даҳалари, «Истиқлол» (8-сон), «Қўшариқ» (9-сон), «Шифокор», «Яхши» маҳалла фуқаролар йиғинлари ўрамидаги аҳоли хонадонларида, шунингдек, «Ёйилма» (1-сон), «Соғлом авлод» (2-сон), «Иқбол», «Ўрикзор» (3-сон), «Баркамол» (4-сон), «Қоратут» (5-сон), «Боғи Эрам» (А.Бакиров), «Буюк ипак йўли» (Ҳ.Аҳмедов), «Янги ҳаёт», «Боғишамол», «Чорвадор», «Ўзбекистон 20 йиллиги» (Й.Охунбобоев), «Пистамозор» ва «Ўзбегим» (Султон Жўра) маҳалла фуқаролар йиғинлари ўрамидаги аҳоли хонадонлари ва улгуржи истеъмолчилар ҳудудларида 6 март куни соат 9:00—17:00 оралиғида газ таъминоти вақтинчалик тўхтатилади.
«Таъмирлаш ишлари тугатилгандан сўнг, табиий газ таъминоти қайта тикланади. ‘Ҳудудгаз Андижон’ компанияси таъмирлаш ишлари туфайли газ таъминотидаги вақтинча узилишлар сабабли етказилаётган ноқулайликлар учун аҳоли ва газ истеъмолчиларидан узр сўрайди», — дейилади компания ахборотида.
Изоҳ (0)