Ўзбекистонда инфляция секинлашди. Сўнгги йилларда илк бора пулнинг қадрсизланиши кетма-кет равишда 1 – 0,6 фоиздан паст бўлди ва январь ҳамда февраль ойларида мос равишда 0,6 – 0,8 фоизни ташкил қилди. 2019 йилнинг билан билан солиштирганда ушбу оралиқдаги кўрсаткич мос равишда 1,5 – 1,6 фоиз бўлганди.
Инфляция даражаси ўсишининг секинлашувига иқтисодиётни кредитлаштиришнинг ўсиш даражаси паст бўлгани ва бюджет харажатлари каби факторлар таъсир қилган, дея Марказий банк расмийларининг сўзларини келтирган «Spot».
Пулнинг қадрсизланишига тўсқинлик қилган яна бир нечта омилларни келтириш мумкин. Январда ҚҚСнинг қамрови кенгайгани, сўм курсининг девалвацияси ва август ойида энергия ресурслари учун нархларнинг ўсгани, ун ва қолипли нон маҳсулотлари учун 2019 йилнинг октябрь ойида нархларнинг либерализация қилингани шулар жумласидан.
Мева ва сабзавотларни сақлаш ҳамда иссиқхоналарда етиштириш инфратузилмасининг кенгайганлиги қиш фасли давомида уларнинг бозорлардаги нархи кескин кўтарилмаган. Жумладан, 2019 йилнинг январь – февраль ойларида мевалар 15,6 фоизга сабзавотлар 13,8 фоизга қимматлаган бўлса, 2020 йилнинг ушбу пйларида кўрсаткич қарий 2 баравар секинлашган – мос равишда 7,7 ва 6,3 фоизгача.
Ун ва қолипли нон маҳсулотлари қийматларининг бозор шароитларига мослашуви натижасида уларнинг истеъмолчилар нархлари индексига таъсири сезиларли даражада камайган (0,2 дан 0,08 гача).
Гўшт нархлари 2019 йил январь – февраль ойларидаги суръатларда ўсишда давом этиши (2,3 фоиз) инфляцияга сезиларли таъсир қилган. Ноозиқ-овқат маҳсулотларининг нархлари ўсиши 2020 йил январь - февралда 0,8 фоиз (ўтган йили 2 фоиз эди), хизматлар нархларининг ўсиши 0,6 фоизни (1,3 фоиз) ташкил қилган.
Марказий банк мутасаддилари нархлар ўсишини фақат монетар йўл билан ушлаб туришга уринишнинг имконсиз экани транспорт инфратузилмаси ва рақобатни ривожлантириш, иқтисодиётнинг узлуксиз равишда газ ҳамда электренергия билан таъминлаш зарурлигини таъкидлади.
Аввал иқтисодиёт ва саноат вазири Жамшид Қўчқоров ҳам бир нечта номонетар омиллар ҳам инфляцияга таъсир қилиши ва улар ҳали ҳам бартараф қилинмаганини қайд этганди.
Изоҳ (0)