Коронавирус инфекцияси билан касалланган одамлар сони бўйича 100 мингдан ошди. Бу ҳақда Жон Хопкинс университети томонидан тақдим этилган рақамлар маълумот бермоқда; университет бутун дунё бўйича тасдиқланган касалланиш ҳолатларини кузатиб, ҳисобга олиб бормоқда.
Умумий касалланганлардан 55 694 нафари соғайиб кетишга муваффақ бўлган, 3404 киши эса вафот этган.
Энг кўп касалланиш ҳолатлари Хитойнинг материк қисмида (80,6 минг киши), Жанубий Кореяда (6,6 минг киши), Эронда (4,7 минг киши) ва Италияда (3,9 минг киши) қайд этилган. 90 дан ортиқ мамлакатда эса коронавирус билан боғлиқ ҳеч бўлмаса битта ҳолат аниқланган.
6 март ҳолатига кўра, Ўзбекистонда коронавирус инфекцияси билан касалланиш ҳолати аниқлангани йўқ. Мамлакатнинг у ёки бу жойида у ёки бу одам коронавирус гумони билан касалхонага ётқизилгани ҳақида тарқалган хабарлар Соғлиқни сақлаш вазирлиги томонидан рад этиб келинмоқда.
Изоҳ (0)