Ватикан ҳудудида коронавирус билан касалланиш бўйича илк ҳолат аниқланди, деб хабар берди «РБК».
Ватикан давлати матбуот хизмати директори Маттео Брунининг маълум қилишича, илк касалланиш ҳолати 5 март, пайшанба куни, аниқланган.
Қайд этилишича, Ватикан Соғлиқни сақлаш ва гигиена бошқармаси дезинфекция қилиш чора-тадбирларини амалга оширади.
Европадаги энг кўп коронавирус билан касалланганлар Италияда аниқланган. Сўнгги маълумотларга кўра, мамлакатда 3,2 мингдан ортиқ касалланиш ҳолатлари тасдиқланган, 148 нафар бемор вафот этган.
Аввалроқ Италияда «коронавирус маҳсулотлари» сотиладиган дўкон кирдикорлари фош қилингани ҳақида хабар берилган эди.
Изоҳ (0)