Сўнгги бир кун ичида Италияда 2019-nCoV коронавируси оқибатида 41 киши вафот этиб, мамлакатда касаллик қурбонларининг умумий сони 148 кишига етди. «РБК»нинг АNSA агентлигига таяниб хабар беришича, бу ҳақда фуқаро ҳимояси хизмати раҳбари Анжелло Борелли маълум қилган. Аввалроқ 107 киши вафот этгани ҳақида хабар берилган эди.
5 март ҳолатига кўра Италияда умумий ҳисобда 3 296 киши касалланган. Касалланишнинг яна 590 та янги ҳолати аниқланган. Бореллининг сўзларига кўра, касалланганларнинг ярмидан кўпи — 1 777 киши мамлакат шимолидаги Ломбардияда жойлашган. Инфекция юқтирганларнинг яна 658 нафари Эмилли-Романьеда, 380 нафари Венетода жойлашган.
Шунингдек, инфекциядан тузалганлар сони ортаётгани ҳам маълум қилинган. 5 март куни тузалганлар сони 414 кишига етган. Бу ундан аввалги кунга нисбатан 138 кишига кўпдир.Эпидемия тарқалгани туфайли Италияда барча таълим муассасалари 15 мартга қадар ёпилган.
Изоҳ (0)