Футбол бўйича Англия Лига Кубоги финал учрашуви 1 март, якшанба куни афсонавий «Уэмбли» стадионида бўлиб ўтди. Унда мусобақанинг амалдаги ғолиби «Манчестер Сити» Бирмингемнинг «Астон Вилла» жамоасига қарши баҳс олиб борди.
Учрашувдаги ҳисоб 20-дақиқага келиб «шаҳарликлар» ҳужумчиси Серхио Агуэро томонидан очилди. Ушбу вазиятда тажрибали форвард жамоадоши Фил Фоденнинг узатмасидан сўнг номини таблога ёздириб қўйди.
Орадан 10 дақиқа ўтиб Пеп Гвардиола шогирдлари ҳисобдаги фарқни иккитага етказди. Илкай Гундўғаннинг бурчак зарбасидан узатиб берган тўпини Родри Эрнандес боши билан рақиб дарвозасига жойлаб қўйди.
Жамоалар танаффусга йўл олиши арафасида «Астон Вилла» ўзининг жавоб голини киритишга муваффақ бўлди. Саматта жамоадошининг узатмасидан кейин боши билан Браво дарвозасини ишғол қилди.
Иккинчи бўлимда дарвозаларга бошқа тўп киритилмади ва шу тариқа «Манчестер Сити» қаторасига учинчи бор Англия Лига Кубоги ғолибига айланди.
Англия Лига Кубоги
Финал баҳси
1 март, якшанба
«Астон Вилла» — «Манчестер Сити» 1:2
Голлар: 0:1 – 20, Агуэро, 0:2 – 30, Родри Эрнандес, 1:2 – 41, Саматта«Астон Вилла»: Нюланд, Таргетт, Гильбер, Мингз, Ал-Муҳаммади (Трезеге, 70), Грилиш, Дуглас Луис, ал-Ғози (Ҳуриҳейн, 70), Накамба, Энгельс, Саматта (Дэвис, 80).
«Манчестер Сити»: Браво, Зинченко, Стоунз, Уокер, Фернандиньо, Гундўған (де Брюйне, 58), Родри Эрнандес, Фоден, Сильва (Бернарду Сильва, 77), Стерлинг, Агуэро (Жезус, 83).
Огоҳлантиришлар: Стерлинг (57), Родри (60), Ал-Муҳаммади (68), Накамба (72).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)