Футбол бўйича Франция чемпионати 28-турнинг 29 февраль, шанба кунги ўйинларини ПСЖ ва «Дижон» жамоалари иштирокидаги ўйин очиб берди.
Томас Тухель қўл остидаги парижликлар «Парк де Пренс»да меҳмонларни йирик ҳисобда таслим этди. Учрашувнинг 3-дақиқада Пабло Сарабия майдон эгаларини олдинга олиб чиқди.
74-дақиқада Килиан Мбаппе жамоасининг иккинчи голини урган бўлса, орадан икки дақиқа ўтиб Мауро Икарди ҳисобни йирик кўринишга келтирди. Ҳакам томонидан қўшиб берилган вақтда Мбаппе дубль қайд этган ҳолда якуний ҳисобни ўрнатди.
Мазкур ғалабадан кейин очколарини 68 тага етказиб олган ПСЖ якка пешқадамликда давом этмоқда ва энг яқин таъқибчисини 13 очкога ортда қолдирган.
Лига 1
28-тур баҳси
ПСЖ — «Дижон» 4:0
Голлар: 1:0 — 3 Сарабия, 2:0 — 74 Мбаппе, 3:0 — 76 Икарди, 4:0 — 90+1 Мбаппе.ПСЖ: Навас, Керер, Кимпембе, Бернат, Куасси (Паредес, 72), Ди Мария (Дракслер, 17), Сарабия, Гуйе, Маркиньос, Мбаппе, Кавани (Икарди, 71).
«Дижон»: Рунарссон, Кулибали (Кадис, 75), Алфонс, Мендиль, Лотоа (Амальфитано, 72), Бальде, Ндонг, Агерд, Манга, Мавидиди (Саммаритано, 64), Тавареш.
Огоҳлантиришлар: Бернат (16).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)