Futbol bo‘yicha Angliya Liga Kubogi final uchrashuvi 1-mart, yakshanba kuni afsonaviy “Uembli” stadionida bo‘lib o‘tdi. Unda musobaqaning amaldagi g‘olibi “Manchester Siti” Birmingemning “Aston Villa” jamoasiga qarshi bahs olib bordi.
Uchrashuvdagi hisob 20-daqiqaga kelib “shaharliklar” hujumchisi Serxio Aguero tomonidan ochildi. Ushbu vaziyatda tajribali forvard jamoadoshi Fil Fodenning uzatmasidan so‘ng nomini tabloga yozdirib qo‘ydi.
Oradan 10 daqiqa o‘tib Pep Gvardiola shogirdlari hisobdagi farqni ikkitaga yetkazdi. Ilkay Gundo‘g‘anning burchak zarbasidan uzatib bergan to‘pini Rodri Ernandes boshi bilan raqib darvozasiga joylab qo‘ydi.
Jamoalar tanaffusga yo‘l olishi arafasida “Aston Villa” o‘zining javob golini kiritishga muvaffaq bo‘ldi. Samatta jamoadoshining uzatmasidan keyin boshi bilan Bravo darvozasini ishg‘ol qildi.
Ikkinchi bo‘limda darvozalarga boshqa to‘p kiritilmadi va shu tariqa “Manchester Siti” qatorasiga uchinchi bor Angliya Liga Kubogi g‘olibiga aylandi.
Angliya Liga Kubogi
Final bahsi
1-mart, yakshanba
“Aston Villa” — “Manchester Siti” 1:2
Gollar: 0:1 – 20, Aguero, 0:2 – 30, Rodri Ernandes, 1:2 – 41, Samatta“Aston Villa”: Nyuland, Targett, Gilber, Mingz, Al-Muhammadi (Trezege, 70), Grilish, Duglas Luis, al-G‘ozi (Huriheyn, 70), Nakamba, Engels, Samatta (Devis, 80).
“Manchester Siti”: Bravo, Zinchenko, Stounz, Uoker, Fernandinyo, Gundo‘g‘an (de Bryuyne, 58), Rodri Ernandes, Foden, Silva (Bernardu Silva, 77), Sterling, Aguero (Jezus, 83).
Ogohlantirishlar: Sterling (57), Rodri (60), Al-Muhammadi (68), Nakamba (72).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)