Футбол бўйича Англия Премьер Лигасининг 28-туридан ўрин олган 1 март, якшанба кунидаги учрашувлар якунланди.
«Манчестер Юнайтед» жамоаси «Эвертон» майдонига сафар қилди. Учрашувнинг 3-дақиқасидаёқ майдон эгалари олдинга ўтиб олди, Давид де Хеанинг хатосидан кейин Доминик Кэлверт-Люин ҳисобни очди. 31-дақиқада Бруну Фернандеш узоқ масофадан дарвозани ишғол қилиб мувозанатни тиклади ва шу ҳисоб баҳс якунига қадар ўзгармади.
Жозе Моуриньо қўл остидаги «Тоттенҳэм» ўз майдонида «Вулверҳэмптон»ни қабул қилди. Учрашувда икки бор олдинда борган лондонликлар охир оқибат мағлубиятни тан олишга мажбур бўлди. Стевен Бергвейн ва Серж Орьенинг голларига «бўрилар» Мэтт Доэрти, Диогу Жота ва Рауль Хименес киритган тўплар билан жавоб берди.
Мазкур натижалардан кейин «Манчестер Юнайтед» 42 очко билан 5-ўринни сақлаб қолди. «Тоттенҳэм» (40) эса ушбу поғонага кўтарилиб олиш имкониятини қўлдан чиқарди. «Вулверҳэмптон» (39) 8-поғонага кўтарилди.
АПЛ
28-тур баҳслари
1 март, якшанба
«Тоттенҳэм» — «Вулверҳэмптон» 2:3
Голлар: 1:0 – 13 Бергвейн, 1:1 – 27 Доэрти, 2:1 – 45 Орье, 2:2 – 57 Диогу Жота, 2:3 – 73 Хименес.«Эвертон» — «Манчестер Юнайтед» 1:1
Голлар: 1:0 – 3 Кэлверт-Льюин, 1:1 – 31 Бруну Фернандеш.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)