«Ливерпуль» Англия Премьер Лигасининг 28-турида «Уотфорд»га йирик ҳисобда ютқазиб қўйди (0:3).
Мазкур ўйиндан кейин мерсисайдликларнинг АПЛдаги 44 ўйинлик мағлубиятсиз сериясига нуқта қўйилди. Юрген Клопп бошчилигидаги жамоа «Арсенал»нинг рекордини такрорлай олмади. «Канонирлар» 2003—2004 йилларда кетма-кет 49 турда ютқазмаган эди.
Шунингдек, «Ливерпуль» Англия чемпионатида 37-ўйинга келиб гол ура олмади. Бундан аввалги 36 баҳсда жамоа майдонни голсиз тарк этмаган эди. Сўнгги бор «қизиллар» АПЛ доирасида 2019 йилнинг 3 мартида «Эвертон»га қарши баҳсда (0:0) тўп кирита олмаганди.
«Ливерпуль» мазкур ўйиннинг биринчи бўлимида «Уотфорд» дарвозаси томон бор-йўғи бир марта зарба йўлланган. Бунақаси Клопп қўл остидаги 172 та АПЛ ўйинида 2 марта кузатилди. 2017 йил «Челси»га қарши тўқнашувда ҳам шундай натижа қайд этилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)