Футбол бўйича Ўзбекистон Суперлигасининг 1-туридан ўрин олган сўнгги иккита баҳс 1 март, якшанба куни бўлиб ўтди.
Вадим Абрамов бошчилигидаги «Бунёдкор» Термизга сафар қилди ва «Сурхон»ни мағлубиятга учратди. Тошкентликлар сафида Нурилло Тўхтасинов, Humoюн Муртазоев ва Фаррух Икромов ўз ҳисобига гол ёздириб қўйди. Майдон эгаларининг ягона жавоб тўпига пенальтидан унумли фойдаланган Азиз Ибрагимов муаллиф бўлди.
«Насаф» эса «Қизилқум» майдонида меҳмон бўлиб, иродали ғалабани қўлга киритди. Дастлаб Навоий клуби намибиялик легионер Навесеб Маккартнининг голидан кейин олдинга ўтиб олди. Бунга қаршиликлар Бобур Абдуҳолиқовнинг дубли ва Шароф Муҳитдиновнинг аниқ зарбаси билан жавоб қайтарди.
Шу тариқа Ўзбекистон Суперлигасининг 1-тур учрашувлари якунланди.
Суперлига
1-тур баҳслари
1 март, якшанба
«Сурхон» — «Бунёдкор» 1:3
Голлар: 0:1 — 60 Тўхтасинов, 0:2 — 79 Муртазоев, 0:3 — 82 Икромов, 1:3 — 90+3, пенальти Ибрагимов.«Сурхон»: Асилбек Омонов, Абдуқаҳҳор Ҳожиакбаров, Владимир Бубаня, Ҳусниддин Ғофуров (Нуриддин Ҳасанов, 81), Шерзод Каримов, Шавкат Саломов, Александр Касян (Сардор Сулаймонов, 80), Аъзам Алиев, Жаҳонгир Меҳмонов, Дарко Станоевич, Асрор Ғофуров (Азиз Ибрагимов, 63).
«Бунёдкор»: Абдумавлон Абдужалилов, Ислом Қобилов, Анвар Ғофуров, Дилшод Аҳмадалиев, Жасур Жалолиддинов (Фаррух Икромов, 57), Лутфулла Тўраев, Миржаҳон Мираҳмадов (Даврон Эргашев, 83), Санжар Қодирқулов, Нурилло Тўхтасинов, Абдулла Абдуллаев (Расул Йўлдошев, 59), Humoюн Муртозаев.
Огоҳлантиришлар: Ғофуров (23), Касян (39), Қодирқулов (45+1), Аҳмадалиев (48), Меҳмонов (66), Ҳожиакбаров (86).
«Қизилқум» — «Насаф» 1:3
Голлар: 1:0 — 23 Маккартни, 1:1 — 25 Муҳитдинов, 1:2 — 41 Абдуҳолиқов, 1:3 — 47 Абдуҳолиқов«Қизилқум»: Руслан Матниязов, Абди Башимов, Везиргелди Илясов, Руслан Маргиев, Алишер Саноев, Муҳсин Убайдуллаев (Файзулла Қамбаров, 46), Шерали Жўраев, Азиз Усмонов (Қадамбой Нурметов, 46), Маккартни Навесеб, Олег Толмасов, Суннатилла Абдуллажонов (Дониёр Усмонов, 69).
«Насаф»: Машҳур Муҳаммаджонов, Ҳусниддин Алиқулов, Ғолиб Ғайбуллаев,Дилшод Раҳматуллаев (Жавоҳир Эсонқулов, 90), Дилшод Саитов, Бобур Абдихолиқов, Шароф Муҳитдинов, Ислом Кенжабоев (Харис Дилавер, 76), Акмал Мозговой, Шерзод Насруллаев, Ойбек Бозоров (Шохмалик Комилов, 84).
Огоҳлантиришлар: Маргиев (26), Нурметов (52), Қамбаров (77).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)