Бош прокуратура ҳузуридаги департаментнинг Фарғона вилояти бошқармаси томонидан ДХХ ва ИИБ ходимлари билан ҳамкорликда ўтказилган тезкор тадбирда Андижон давлат тиббиёт институтининг уч нафар талабаси бошқа шахс билан тил бириктириб, харидорга жами 1 000 дона кучли таъсир қилувчи «Тропикамид» дорисини 45 миллион сўмга сотаётган вақтда қўлга олинган.
Худди шундай ҳамкорликда ўтказилган яна бир тадбирда фуқаролар К.М. ва М.А.лар харидорга жами 2 625 дона «Тропикамид»ни 105 миллион сўмга сотаётган вақтида ушланиб, улардан жами 8 000 дона «Тропикамид» дори воситалари ашёвий далил сифатида олинган.
Мазкур ҳолатлар юзасидан Жиноят кодексининг тегишли моддаси билан жиноят ишлари қўзғатилиб, тергов ҳаракатлари ўтказилмоқда.
Аввалроқ Тошкентда ёнида пневматик пистолет ва «Тропикамид» олиб юрган шахс ушлангани, «дорихона наркотиклари» сотувчиси 50 миллион сўмлик «Тропикамид» билан қўлга тушгани ҳақида хабар берилган эди.
Изоҳ (0)