Toshkent shahar IIBB Patrul-post xizmati xodimi Q.Axmedov va Milliy gvardiya xodimi 16-fevral kuni soat 20:30 larda Uchtepa tumanida harakatlarida shubha uyg‘otgan noma’lum shaxs hujjatlari tekshirilish uchun to‘xtatilganda qochib ketmoqchi bo‘lgan. Bu haqda Patrul-post xizmati va jamoat tartibini saqlash bosh boshqarmasi xabar berdi.

Foto: Patrul-post xizmati va jamoat tartibini saqlash bosh boshqarmasi

Xodimlar qochgan fuqaroni ushlab, o‘tkazgan tintuvida uning cho‘ntagidan Pnevmatik pistolet, 3 dona “Tropikamid” va 4 dona “Regaped” nomli psixotrop dori vositasi borligi aniqlangan.

Hozirda mazkur holat yuzasidan surishtiruv ishlari olib borilmoqda.