Хоразм вилоятида 34 ёшли руҳий хаста аёл 61 ёшли ўгай отасини ўлдириб қўйди. Бу ҳақда «Дарё»га Бош прокуратура матбуот хизмати хабар берди.
Воқеа 25 февраль куни соат 18:50 ларда вилоятнинг Янгибозор тумани «Юқорибошқир» маҳалласида юз берган. Руҳий касал Ю.К ўгай отаси Ю.С. билан ўзаро жанжаллашиб, темир жисм билан унинг бош қисмига бир маротаба уриб қасддан ўлдирган.
Ҳолат юзасидан шу куни туман прокуратураси томонидан Ю.К.га нисбатан Жиноят кодексининг 97-моддаси 1-қисми (Қасддан одам ўлдириш) билан жиноят иши қўзғатилган.
Аввалроқ Тошкентда эмизикли боласи бор аёлни урган руҳий хаста эркак қўлга олингани ҳақида хабар берилган эди.
Изоҳ (0)