УЕФА ташкилоти Чемпионлар Лигаси 1/8 финал босқичи доирасида 25 февраль кунги беллашувларнинг энг яхши футболчилари номини эълон қилди.
Унга кўра, «Наполи» — «Барселона» учрашувининг (1:1) энг яхши ўйинчиси номига меҳмонлар ярим ҳимоячиси Серхио Бускет лойиқ кўрилди. Испаниялик футболчи «Наполи» ҳужумчиси Дрис Мертансга жароҳат етказгани боис сариқ карточкага лойиқ кўрилди ва жавоб баҳсини ўтказиб юборади.
«Челси» — «Бавария» ўйинида (0:3) дубль қайд этган Серж Гнабри мазкур баҳснинг энг яхшиси деб эътироф этилди. Жорий мавсум Чемпионлар Лигасида Серж олтита голининг барчасини Лондонда урди («Тоттенҳэм»га 4 та).
Эслатиб ўтамиз, бугун, 26 февраль куни «Lion» — «Ювенуц» ва «Реал» — «Манчестер Сити» учрашувлари бўлиб ўтади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)