Футбол бўйича Европа Чемпионлар Лигасининг 1/8 финал биринчи ўйинида «Барселона» 25 февраль, сешанба куни «Наполи» майдонига сафар қилди.
Учрашувнинг дастлабки бўлими каталон клубининг устунлигида ўтди, бироқ ҳисобни очишда майдон эгалари биринчи бўлди. 30-дақиқада Дрис Мертенс жарима майдони ташқарисидан кучли зарба йўллаб, дарвозани ишғол қилди.
57-дақиқада Антуан Гризманн ҳисобни тенглаштиришга муваффақ бўлди. Мазкур голдан кейин Женнаро Гаттузо шогирдлари фаолликни оширди ва «Барселона» дарвозаси олдида бир қатор қулай имкониятларга эга бўлди. Бироқ шу ҳисоб ўйин якунига қадар ўзгармади.
89-дақиқада Артуро Видаль майдондан четлатилди ва Серхио Бускетс билан биргаликда жавоб баҳсида иштирок эта олмайди. Бундан ташқари, Херард Пике жароҳат олган ҳолда майдонни эрта тарк этди.
Ушбу жамоалар ўртасидаги жавоб баҳси 18 март куни бўлиб ўтади.
ЕЧЛ
1/8 финал, илк ўйин
25 февраль, сешанба
«Наполи»—«Барселона» 1:1
Голлар: 1:0 — 30 Мертенс, 1:1 — 57 Гризманн.«Наполи»: Оспина, Максимович, Мариу Руй, ди Лоренцо, Манолас, Зелиньски, Фабиан Руис, Инсинье, Демме (Аллан, 80), Кальехон (Политано, 74), Мертенс (Милик, 54).
«Барселона»: тер Штеген, Умтити, Семеду, Пике (Лангле, 90), Фирпо, де Йонг, Видаль, Ракитич (Артур, 56), Бускетс, Гризманн (Фати, 87), Месси.
Огоҳлантиришлар: Бускетс (49), Инсинье (61), Месси (66), Гризманн (83), Мариу Руй (89), Видаль (89).
Четлатиш: Видаль (89).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)