Дортмунднинг «Боруссия» клуби ҳужумчиси Эрлинг Ҳоланд Қироллик клуби қизиқишлари доирасида бўлиб турибди.
«Мадриднинг «Реал» клуби «Боруссия» Дортмунд ҳужумчиси Эрлинг Ҳоландни кузатиб бормоқда. Агар ёш форвард ҳозиргидек сермаҳсуллик кўрсатишда давом этса, Қироллик жамоаси унинг трансфери ҳақида ўйлаб кўриши мумкин», — деди La Sexta журналисти Хосе Луис Санчес El Chiringuito эфирида.
Маълумот учун, норвегиялик ҳужумчи «Боруссия» таркибидаги 8 учрашувда 12 та тўп киритди, мавсумдаги 30 учрашувдан кейин унинг ҳисобидаги голлар сони эса 40 тага етди.
Футболчининг айни дамдаги трансфер нархи 60 миллион евро сифатида баҳоланмоқда.
Эслатиб ўтамиз, қишки трансферлар вақтида «Боруссия» футболчини Австриянинг «Зальцбург» клубидан 20 миллион евро эвазига сотиб олган эди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)