Тошкент вилояти Бўка туманида 1 миллион 550 минг сўмлик сохта купюраларни С.Х. исмли фуқарога ўтказмоқчи бўлган шахс қўлга олинди. Бу ҳақда Бош прокуратура «Дарё»га маълум қилди.
Қалбаки пул тайёрлаган Э.С. исмли шахс Бош прокуратура ҳузуридаги департаментнинг Тошкент вилоят бошқармаси ва ИИБ ходимлари билан ҳамкорликда ўтказилган тезкор тадбирда ашёвий далиллар билан ушланган.
Ушбу қалбаки купюраларни фуқаро Э.С. таниши О.О. билан олдиндан тил бириктириб, компьютер ва рангли принтердан фойдаланган ҳолда тайёрлаб келаётганлиги аниқланиб, жами 5 миллион сўм бўлган 50 минг сўмлик қалбаки купюралар ва бошқа жиҳозлар ашёвий далил сифатида олинган.
Мазкур ҳолат юзасидан Э.С. ва О.О.га нисбатан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.
Изоҳ (0)