WikiLeaks asoschisi Julian Assanj Londondagi Vuilja Qirollik sudiga yetib keldi va 24-fevraldan u yerda mahkumni AQShga ekstraditsiya qilish bo‘yicha eshituv boshlangan. Bu haqda Reuters xabar berdi.
Sud binosi yaqinida Assanj tarafdorlari to‘plangan, ayrimlar sud yonidagi ko‘chalarga chodir tikib shu yerda yashamoqda, deyiladi agentlik xabarida. Odamlar “Julian Assanj ozod qilinsin” deb baqirmoqda, ushbu hayqiriqlar sud zaligacha eshtilayotgani qayd etilgan.
Reuters’ning yozishicha, sudya bu kabi janjal ko‘tarish Assanj ishida naf keltirmasligini ta’kidlagan.
AQSh vakili Jeyms Lyuis sudga Assanjni kompyuterlarga buzib kirishni amalga oshirgani va maxfiy axborotlarni tarqatganligi uchun Amerikaga ekstraditsiya qilishni so‘ragan.
Lyuisning aytishicha, maxfiy hujjatlarning oshkor qilinishi Iroq, Eron va Afg‘onistondagi informator va jurnalistlar hayotini xavf ostida qoldirdi.
Assanj advokati Jennifer Robinsonning so‘zlariga ko‘ra, WikiLeaks asoschisining sud ishi sabab surishtiruv o‘tkazuvchi jurnalistlar ham jinoiy javobgarlikka tortilishi mumkinligini bildirga. Assanj ishida “AQShning Iroq hamda Afg‘onistonda qanday urush olib borgani haqidagi” ma’lumotlarni fosh qiladi, degan oqlovchi.
Mavzuga doir:
Izoh (0)