Футбол бўйича Италия чемпионатининг 25-туридан ўрин олган 22 февраль, шанба кунги ўйинлар якунланди.
Мусобақа пешқадами «Ювентус» сафарда СПАЛ билан баҳс юритди. Учрашувда Криштиану Роналду (39) ва Аарон Рэмзининг (60) голларига майдон эгалари Андреа Петаньянинг пенальтидан киритиган тўпи билан жавоб қайтарди.
«Ювентус» ушбу ғалабадан кейин очколарини 60 тага етказиб олди ва якка пешқадамликда давом этмоқда. СПАЛ (15) сўнгги 20-ўринда бормоқда.
«Милан» эса Флоренцияга сафар қилиб, «Фиорентина»ни мағлубиятга учратди. Учрашувнинг 57-дақиқасида Анте Ребич миланликларни олдинга олиб чиқди. Бундан ташқари, 62-дақиқада Далберт Энрикенинг четлатилишидан кейин мезбонлар бир киши кам бўлиб қолди.
Бироқ «Фиорентина» футболчилари сўнгги дақиқаларда ҳисобни тенглаштиришга муваффақ бўлди. Эрик Пульгар пенальтидан унумли фойдаланди.
А Серия
25-тур баҳслари
22 февраль, шанба
«Болонья» – «Удинезе» 1:1
Голлар: 0:1 – 33 Окака Чука, 1:1 – 90 Паласио.СПАЛ – «Ювентус» 1:2
Голлар: 0:1 – 39 Роналду, 0:2 – 60 Рэмзи, 1:2 – 69, пенальти Петанья.«Фиорентина» – «Милан» 1:1
Голлар: 0:1 – 56 Ребич, 1:1 – 85, пенальти Пульгар.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)