Футбол бўйича Англия чемпионатининг 27-турида 22 февраль, шанба куни «Челси» ва «Тоттенҳэм» жамоалари ўзаро баҳс юритди.
Учрашувнинг 15-дақиқасида Оливье Жиру «кўклар»ни олдинга олиб чиқди. Иккинчи бўлим дебютида Маркос Алонсо узоқ масофадан кучли зараб йўллаб, чиройли голга муаллиф бўлди.
Ўйин якунланиши арафасида «шпорлар» ҳисобни қисқартиришга муваффақ бўлди: Эрик Ламеланинг зарбаси Антонио Рюдигерга тегиб ўз йўналишини ўзгартирди ва дарвозадан жой олди.
Шу тариқа Фрэнк Лэмпард иккинчи давра ўйинида ҳам устози Жозе Моуриньодан устун келди.
Мазкур ғалабадан кейин «Челси» очколарини 44 тага етказиб олган ҳолда тўртинчи ўринни сақлаб қолди ва кейинги поғонадаги «Тоттенҳэм» (40) билан фарқ тўрт очкога етди.
АПЛ
27-тур баҳси
22 февраль, шанба
«Челси» — «Тоттенҳэм» 2:1
Голлар: 1:0 — 15 Жиру, 2:0 — 48 Алонсо, 2:1 — 89, автогол Рюдигер.«Челси»: Кабальеро, Жеймс, Аспиликуэта, Кристенсен, Алонсо, Маунт, Жоржиньо, Баркли (Виллиан, 77), Ковачич, Рюдигер, Жиру (Абраҳам, 71).
«Тоттенҳэм»: Льорис, Танганга, Санчес, Алдервейрелд (Орье, 78), Дэвис, Ндомбеле (Ламела, 63), Ло Чельсо, Лукас Моура, Уинкс, Бергвейн (Алли, 78), Вертонген.
Огоҳлантиришлар: Уинкс (23), Кристенсен (65), Ло Чельсо (81).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)