Футбол бўйича Испания чемпионатининг 25-турида «Барселона» 22 февраль, шанба куни «Эйбар»ни қабул қилди.
«Камп Ноу» стадионида бўлиб ўтган ўйинда каталонияликлар рақиб дарвозасига жавобсиз бешта тўп киритди. Учрашувнинг биринчи бўлимидаёқ Лионель Месси ҳет-трикни расмийлаштирди.
Ўйин якунланиши арафасида «Барселона» дебютанти Мартин Брэйтуэйт томонидан узатиб берилган тўпни Месси дарвозага жойлаб ўзининг ва жамоасининг тўртинчи голини урди. 89-дақиқада Артур ҳисобни 5:0 кўринишига келтириб қўйди.
Шу тариқа Кике Сетьен шогирдлари 55 очко тўплаган ҳолда биринчи ўринга кўтарилиб олди. «Эйбар» (24) эса 17-поғонада қолди.
Ла Лига
25-тур баҳси
22 февраль, шанба
«Барселона» — «Эйбар» 5:0
Голлар: 1:0 — 14 Месси, 2:0 — 37 Месси, 3:0 — 40 Месси, 4:0 — 87 Месси, 5:0 — 89 Артур.«Барселона»: тер Штеген, Пике (Умтити, 68), Фирпо, Семеду, Лангле, Артур, Ракитич, Бускетс (де Йонг, 59), Видаль, Месси, Гризманн (Брэйтуэйт, 72).
«Эйбар»: Дмитрович, Арбилья, Техеро, Бургос, Хосе Анхель, Эскаланте, Диоп, Инуи (Де Бласис, 66), Орельяна, Экспосито (Кристофоро, 83), Энрик (Кике Гонсалес, 66).
Огоҳлантиришлар: Эскаланте (64), Диоп (85).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)