Дональд Трампнинг 2016 йилги президентлик сайлови вақтида маслаҳатчиси бўлган Рожер Стоун 40 ой қамоқ ва 20 минг доллар жарима жазосига ҳукм қилинди. Бу ҳақда CNN’га таяниб, Meduza хабар бермоқда.
У ёлғон кўрсатмалар берганликда, гувоҳларга босим ўтказишда ва Конгресс терговига тўсқинлик қилишда айбдор деб топилган.
Дастлаб Стоунга 7 йилдан 9 йилгача қамоқ жазосига ҳукм қилиш сўралган. Трамп ўзининг Twitter’ида бу тавсияни танқид қилиб, таклиф қилинган ҳукмни «даҳшатли ва инсофсиз» деб айтган.
Шундан сўнг АҚШ Адлия вазирлиги Стоунни қисқароқ муддатга тайинлашни тавсия қилган. Бунга жавобан Стоун иши бўйича тўрт нафар прокурор бу иш билан шуғуланишдан воз кечган.
АҚШ адлия вазири ва бош прокурори Уильям Барр Трамп жиноий ишга бевосита аралашмаганини айтган, шу билан бирга, президент Адлия вазирлиги ҳақида Twitter’ида ёзишни бас қилишини, бу унинг ишига халал бераётганини қўшимча қилган.
«Мен чиндан ҳам унинг ишини қийинлаштиряпман, бунга қўшиламан. Бироқ президентнинг кўриб чиқилаётган жиноий ишларга аралашишга тўлиқ ваколати бор», — деган Трамп бунга жавобан.
Изоҳ (0)