Donald Trampning 2016-yilgi prezidentlik saylovi vaqtida maslahatchisi bo‘lgan Rojer Stoun 40 oy qamoq va 20 ming dollar jarima jazosiga hukm qilindi. Bu haqda CNN’ga tayanib, Meduza xabar bermoqda.
U yolg‘on ko‘rsatmalar berganlikda, guvohlarga bosim o‘tkazishda va Kongress tergoviga to‘sqinlik qilishda aybdor deb topilgan.
Dastlab Stounga 7 yildan 9 yilgacha qamoq jazosiga hukm qilish so‘ralgan. Tramp o‘zining Twitter’ida bu tavsiyani tanqid qilib, taklif qilingan hukmni “dahshatli va insofsiz” deb aytgan.
Shundan so‘ng AQSh Adliya vazirligi Stounni qisqaroq muddatga tayinlashni tavsiya qilgan. Bunga javoban Stoun ishi bo‘yicha to‘rt nafar prokuror bu ish bilan shug‘ulanishdan voz kechgan.
AQSh adliya vaziri va bosh prokurori Uilyam Barr Tramp jinoiy ishga bevosita aralashmaganini aytgan, shu bilan birga, prezident Adliya vazirligi haqida Twitter’ida yozishni bas qilishini, bu uning ishiga xalal berayotganini qo‘shimcha qilgan.
“Men chindan ham uning ishini qiyinlashtiryapman, bunga qo‘shilaman. Biroq prezidentning ko‘rib chiqilayotgan jinoiy ishlarga aralashishga to‘liq vakolati bor”, — degan Tramp bunga javoban.
Izoh (0)