Россия иқтисодиёти коронавирус сабабли ҳар куни қарийб млрд рубл йўқотмоқда

Россия иқтисодиёти коронавирус эпидемияси сабабли Хитой билан товар айирбошлаш камайгани туфайли ҳар куни қарийб миллиард рубл йўқотмоқда.

Meduza’нинг хабар беришича, бу ҳақда Россия молия вазири Антон Силуанов «РБК»га берган интервьюсида маълум қилган.

«Бу пул, бу меҳмонхоналар, транспортнинг юкланиши чакана савдода қўшимча даромадлардир. Авиаташувчилар бонг урмоқда. Барча бундан зарар кўрмоқда», — деган Силуанов.

Унинг таъкидлашича, коронавирус эпидемияси Россия иқтисодиётига салбий таъсир кўрсатиши мумкин, лекин ҳал қилувчи рол ўйнамайди.

«Менимча, бу унчалик муҳим омил эмас, барчаси карантин ва Хитойдаги вазият қанча вақт давом этишига боғлиқ». — деган у.

Аввалроқ коронавирус бутун дунёда 5 миллиондан ортиқ компаниялар фаолиятига таъсир кўрсатиши, 400 дан ортиқ компаниянинг даромади пасайиб кетиши, Ар-Риёдда G20 давлатлари коронавируснинг жаҳон иқтисодиётига таъсирини муҳокама қилиши ҳақида хабар берилган эди.