Ўзбекистон Республикаси Вазирлар Маҳкамаси томонидан «Ўзбекистонда футболни ривожлантиришни мутлақо янги босқичга олиб чиқиш чора-тадбирлари тўғрисида»ги Фармони ижросини таъминлаш мақсадида қарор қабул қилинди.
Қарорга кўра, Жисмоний тарбия ва спорт, Иқтисодиёт ва саноат ҳамда Молия вазирликлари, шунингдек Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг таклифига биноан 2020—2024 йилларда босқичма-босқич қуриладиган спорт иншоотларида 23 та болалар ва ўсмирлар спорт мактаблари яратилади. Шунингдек, етарли спорт иншоотларига эга яна 68 та болалар ва ўсмирлар спорт мактабларининг филиалларини ташкил этилади.
Бундан ташқари, 2020 йилда ташкил этилиши режалаштирилаётган болалар ва ўсмирлар спорт мактабларини сақлаш ҳаражатлари маҳаллий бюджетларга ажратилган маблағлар доирасида амалга оширилиб, 2021 йилдан бошлаб эса Ўзбекистон Республикаси Давлат бюджетида назарда тутилиши белгилаб қўйилди.
Изоҳ (0)