Fix Price дўконлари тармоғини бошқарувчи «Best Prays» МЧЖ Ўзбекистонда товар белгисини рўйхатдан ўтказишга сўров юборди. Бу Интеллектуал мулк агентлигининг «Интеллектуал мулк» маълумотлар тизимида акс этган.
Компания Fix Price’нинг лотин ва кирилл алифболарида 5 та товар белгисини рўйхатдан ўтказади.
2019 йил ёзида компания Тошкент шаҳрида янги ходимларни ишга олишни бошлаган ва ушбу жараён бугунги кунда ҳам давом этмоқда.
Ўзбекистонда ‘fix-price.uz’ домени ҳам рўйхатдан ўтказилган. «Spot» нашрининг ёзишича, экспертлар доменнинг банд қилиниши киберсквоттинг бўлиши мумкинлиги, сабаби бу ҳақда ‘Fix Price’ янги ходимларни ишга олишни бошлагани ҳақидаги хабарлар тарқалганидан кейин маълум бўлгани ва доменни рўйхатга олган шахс Бухоро вилоятида истиқомат қилиши шубҳали туйюлмоқда.
Fix Price дўконлар тармоғи variety, store, pound shop, dollar store ва бошқа номларда танилган «барча нархлар аниқ белгилаб қўйилган дўкон» форматида ишлайди.
Бу универсал чакана савдо дўконида турли озиқ-овқат ва ноозиқ-овқат маҳсулотлари бир хил белгиланган нархда, дейлик, 25 минг сўмдан сотилади.
Мавзуга доир:
- Carrefour халқаро супермаркет ва гипермаркетлар тармоғи Тошкентда ишчилар ёллашни бошлади
- Ўзбекистонда Humo Air товар белгиси ва сайтини жисмоний шахс сотиб олди. Янги авикомпания бошқа ном топишга мажбур бўлиши мумкин
- Humo Air авиакомпанияси Humo Air товар белгисини сотиб олишга тайёрлигини билдирди
Вулворд ўйлаб топган бу савдо концепцияси Шимолий Америка ва Ғарбий Европа, шунингдек, дунёнинг бошқа мамалакатларида кенг ёйилган.
Изоҳ (0)