Бугун, 17 февралда қўшиқчи Перис Ҳилтон 39 ёшга тўлди. У 1981 йилда Нью-Йоркда туғилган. Периснинг бобоси Конрад Ҳилтон «Hilton» меҳмонхоналари империясининг асосчиси ҳисобланади. Отаси бизнес билан шуғулланган онаси эса актриса бўлган. Периснинг синглиси Ники таниқли модел ва дизайнер, шунингдек унинг Баррон ва Конрад исмли укалари ҳам бор.

Фото: Google Images

Фото: Google Images

Периснинг феъл-атвори ёшлигида ўзига яраша оғир бўлган. Бир мактабда узоқ вақт ўқий олмаган, дарслардан қочишни канда қилмаган. Шу сабаб бўлса керак, мактаб аттестатини тенгдошларига нисбатан анча кеч қўлга киритган. У мактаб йилларида энг яқин дўстлари Николь Рич ва Ким Кардашьянлар билан танишган.

Фото: Google Images

Перис бобоси меросидан бош тортган ва мустақил ҳаёт кечиришни танлаган. Карьерасини, 2000 йилда Дональд Трампнинг «Т management» номли агентлигида фотомодел бўлиб ишлашдан бошлаган. Кейинчалик «Ford Models Management», «Models 1 Agency» ва «Premier Model Management», агентликларида фаолият юритган. Фотомоделлик у учун омадли келган. Ёқимтой малласоч қизнинг сурати турли журнал ва газеталар муқовасида чоп этила бошлаган. Бора-бора у ҳақиқий юлдузга айланган ва матбуотда чоп этилган, унинг ҳар бир хатти-ҳаракати акс этган папарацияларга мухлислар қизиқиши тобора орта бошлаган. Шу билан бирга у рейтинги баланд бўлган телевизион шоуларда ҳам тез-тез иштирок эта бошлаган. 2003 йилда Fox каналида эфирга узатилган «Оддий ҳаёт» лойиҳасидаги иштироки унга ҳақиқий муваффақият олиб келди. Ушбу реалити шоуда Перис дугонаси Николь Рич билан биргаликда иштирок этган.

Фото: Google Images

Перис ўзини киноактриса сифатида ҳам синаб кўрган лекин кинодаги фаолияти омадли бўлмаган, асосан иккинчи даражали ролларни ижро қилган ва бу роллар унга унчалик муваффаққият олиб келмаган. Шунга қарамай у «Teen Choice Awards» мукофоти билан тақдирланган.

Фото: Google Images

Перис моделлик ва актрисаликдан кейин, қўшиқчиликни танлаган. 2004 йилда ўзининг илк альбоми устида ишлай бошлаган ва уни «Париж» деб номлаган. Альбом устида 2 йил ишланган ва у 2006 йилда тақдим этилган. Кара Дио Гуарди, Грег Уэллс, Скотт Строч ва Жейн Уидлин дискнинг продюссерлари бўлган. Катта жамоанинг меҳнати синган бўлса-да, альбом у қадар харидоргир бўлмайди. Лекин бу каби майда омадсизликлар уни тўхташига сабаб бўлмайди. Орадан бир йил ўтиб қўшиқчи, рақсбоп қўшиқлар жамланган альбомни  тайёрлашни бошлайди ва 2008 йилда оммага тақдим қилади. Альбомдаги қўшиқларнинг 21 тасига клип суратга олинган ва улар орасида «High off my love», «Nothing in this World», «Stars are blind» қўшиқлари ўрин олган.

Фото: Google Images

2000 йилларнинг бошида Перис ўзини яна бир соҳада синаб кўради. Бу ёзувчилик эди. Мерл Гинсберг билан биргаликда  китоб ёзади ва бу китоб 100 минг доллар даромад келтиради. Танқидчилар  китобга эътироз билдирган бўлса-да, мухлислар жуда яхши қабул қилган.

Фото: Google Images

Кейинроқ Перисда дизайнерликка бўлган қизиқиш пайдо бўлади ва «Samantha Thavasa» япон фирмасининг сумкалар коллекциясини яратишда иштирок этади. Тақинчоқлар дизайнини яратади, шунингдек, шахсий парфюмларни тақдим қилади.

Фото: Google Images

Кўп ўтмай, «Club Paris» тунги клублар тармоғи билан шартнома имзолайди. Биринчи кўнгилочар марказ Флорида штатининг Орландо шаҳрида очилади. Буларнинг ўзи билан чекланишни истамаган Перис диджей сифатида ҳам ўзини синайди. 2003—2004 йилларда 2 миллион доллар эгаси бўлган Перис исми Forbes’дан жой олади. Ўзини ўққа-чўққа уриб кўрган Перис, атрофдагиларга бувасининг меросисиз ҳам яхшиданда аъло яшай олишини исботлайди.

Фото: Google Images

Перис ўзини нафақат турли соҳалар, балки инсонлар билан ҳам синаб кўради. У 2003 йилда Рик Саломон, 2003 йилда Жейсон Шо, Ник Картер, Паис Латсис, Ставрас Ниархос, Бенджи Меддон ва Дуг Рейнхардлар билан учрашган. 2013 йилда эса Ривер Виперига турмушга чиқмоқчи эканини маълум қилади, лекин, 2015 йилда ОАВ қўшиқчининг миллионер Томас Гросс билан учрашаётгани ҳақида хабар чоп этади.

Фото: Google Images

Ва ниҳоят, 2017 йилга келиб актёр Крис Зилк билан ўрталарида жиддий муносабатлар бошланади ва жуфтлик турмуш қурмоқчи эканини билдиради. Перис ҳаётида бу каби билдиргилар кўп бўлгани ҳақиқат, лекин асосийси ушбу эълондан шунча вақт ўтса ҳамки жуфтлик ҳамон бирга. Журналистларнинг фарзандли бўлиш ҳақидаги саволига эса ижодкор мен ўзимни ҳали боладек ҳис қиламан деб жавоб беради.

Фото: Google Images

Фото: Google Images