Ички ишлар вазирлиги ҳузуридаги Тергов департаменти хабарига кўра, 2020 йил 31 январь куни Термиз шаҳри бўйича ИИО ФМБ ходимлари томонидан ўтказилган махсус тадбирда Термиз туманида яшовчи 39 ёшли Р.С. қўлбола усулда ўзи ясаган ўқотар қурол ва 12 дона патронни жами бир миллион етти юз эллик минг сўмга сотаётган вақтида ушланган ва ундан қурол ҳамда патронлар ашёвий далил тарқасида расмийлаштириб олинган.
Экспертиза хулосасига кўра, олиб қўйилган қўлбола қурол ва патронлар жанговар ҳолатда отиш учун яроқли эканлиги кўрсатилган.
Мазкур ҳолат юзасидан Термиз шаҳри бўйича ИИО ФМБ 2-сонли ИИБ ҳузуридаги Тергов бўлими томонидан Ўзбекистон Республикаси Жиноят кодексининг 248-моддаси (Қурол, ўқ-дорилар, портловчи моддалар ёки портлатиш қурилмаларига қонунга хилоф равишда эгалик қилиш) 3-қисми «а» банди билан жиноят иши қўзғатилиб, Р.С.га нисбатан айблов эълон қилинган ва қамоққа олиш тарзидаги эҳтиёт чораси қўлланилган, дейилади хабарда.
Дастлабки тергов ҳаракатлари олиб борилмоқда. Айбловга кўра, Р.С. ўн йилдан йигирма йилгача озодликдан маҳрум қилиниши мумкин.
Мавзуга доир:
- Ўзбекистонда 2020 йилда ўқотар қуроллар учун янги турдаги патронлар ишлаб чиқариш бошланади
- Тошкентда тўппонча сотмоқчи бўлган гуруҳ қўлга олинди
- Самарқанд вилоятида уйида гиёҳванд модда ва ўқотар қурол сақлаб келаётган шахс аниқланди
- Тошкентда одамларни қурол билан қўрқитган қозоғистонлик наркосавдогар ушланди
Изоҳ (0)