Чилонзорда «Жигули» ва Isuzu тўқнашуви оқибатида бир ҳайдовчи ҳалок бўлди

Ҳайдовчининг қоидабузарлиги ҳаётдан бевақт кўз юмишига сабаб бўлди, деб хабар берди Ўзбекистон ИИВ ЙҲХББ ахборот хизмати.

16 февраль куни соат 08:10 ларда Чилонзор тумани Дўмбиробод кўчаси «Қурилиш моллари» бозори қаршисида Чилонзор туманида яшаган М.А. «Ваз 2106» русумли транспорт воситасида йўлнинг қарама-қарши йўналишига чиқиб, Бухоро вилояти, Ғиждувон туманида яшовчи Ш.А. бошқарувида бўлган Исузи русумли транспорт воситаси билан тўқнашув содир этган.

Тўқнашув натижасида «Ваз-2106» русумли транспорт воситаси ҳайдовчиси М.А. олган тан жароҳатлари оқибатида воқеа жойида вафот этган.

Аввалроқ Сергели туманида юз берган авария уч кишини ҳаётдан олиб кетгани ҳақида хабар берилган эди.