Ички ишлар вазирлиги ЙҲХББ бошлиғи, полковник Олимжон Саидов Қашқадарё вилоятида бўлиб йўловчи ташувчи уюшма раҳбарлари, ҳайдовчи кадрларни тайёрлаш билан шуғулланувчи таълим муассасалари раҳбарлари билан учрашди. Бу ҳақда «Дарё»га Қашқадарё ИИБ Йўл ҳаракати хавфсизлиги бошқармаси ахборот хизмати раҳбари Жавлон Бахтиев хабар берди.
Республикадаги ЙПХ инспекторлари бошлиғи Олимжон Саидов дастлаб, Китоб туманида жойлашган «Мингчинор» мунтазам ЙПХ масканида бўлиб, масканда хизмат олиб бораётган ходимлар учун яратилган шарт-шароитлар билан танишган. Ходимларга қулайликлар яратиш юзасидан таклиф берган.
Сўнгра, вилоят ИИБ ЙҲХБ ЙПХБ 2-ЙПХО 1-сафарбарлик гуруҳи ЙПХ инспектори сафдор Мансур Рўзиқулов хонадонида бўлиб, ходимнинг ота-онаси, турмуш ўртоғи билан суҳбатлашиб оилавий шароити билан яқиндан танишган.
— Республика ЙҲХББ бошлиғи полковник Олимжон Саидов Вазирлар Маҳкамасининг «Миллий ҳайдовчилик гувоҳномасининг ҳамда автомототранспорт воситаси рўйхатдан ўтказилганлиги тўғрисидаги гувоҳноманинг янги намуналарини жорий этиш чора-тадбирлари тўғрисида»ги қарори талаблари ижросини таъминлаш бўйича вилоятда амалга оширилаётган ишлар билан танишиш учун ИИБ ЙҲХБ 1-туманлараро рўйхатдан ўтказиш ва имтиҳон олиш бўлинмасига борди, — дейди Жавлон Бахтиев. — Миллий ҳайдовчилик гувоҳномаси ҳамда автомототранспорт воситасининг рўйхатдан ўтказилганлиги тўғрисидаги гувоҳномани янги намуналарига алмаштириш борасида олиб борилаётган ишлар, фуқароларга яратишган шарт-шароитларни кўриб чиқди.
Ташриф давомида вилоят ИИБ ЙҲХБ шахсий таркиб ва уларнинг ота-оналари, турмуш ўртоқлари билан ўчрашув ўтказилиб, ўтган йилда хизматда эришган ютуқлари учун 9 нафар ЙПХ инспекторининг ота-оналарига ташаккурнома эълон қилиниб, ходимлар қимматбаҳо совға ва китоблар билан тақдирланди.
Тадбир сўнгида вилоятдаги йўловчи ташувчи уюшма раҳбарлари билан суҳбат ташкил этилиб, тизимдаги муаммоларни бартараф этиш, йўловчилар хавфсизлигини таъминлаш борасида фикр алмашилди.
Эслатиб ўтамиз, 2019 йил сентябрь ойида Қарши туманида икки Damas тўқнашиб, келиб чиққан ёнғин натижасида 10 нафар йўловчидан 5 нафари вафот этганди.
Изоҳ (0)