ЖАРга қайтган олам гўзали, ниқоб таққан ит, курортдаги президент. 13 февралнинг энг қизиқарли суратлари

13 февраль, пайшанба куни дунёнинг турли бурчакларида олинган энг қизиқарли суратлар жамланмасини тақдим этамиз.

Пекин, Хитой

Хитой пойтахтида ниқоб тақиб олиб, велосипедда ҳаракатланаётган эркак. Ҳозирда коронавирус туфайли Хитойда вафот этганлар сони 1300 дан ошиб кетди.

Бристолда чўзмадан отаётган қизалоқнинг граффитиси пайдо бўлди. Бу Бэнксининг янги иши бўлиши мумкин деб тахмин қилинмоқда.

Ван, Туркия

Туркия шарқидаги Ван вилоятига бир метрдан ортиқ қор ёғди. Шу сабабли 687 та аҳоли пунктига олиб борувчи йўллар ёпилиб қолди. Февраль бошида Ван вилоятида юз берган қор кўчкиси оқибатида 40 дан ортиқ одам ҳалок бўлганди.

Сан-Лоренцо, Парагвай

Федерал ишчи Денге безгаги ташувчиси ҳисобланган чивинларни йўқотиш учун мактаб ҳудудида фумигация (тутатиш) қилмоқда.

Гонконг

Икки харидор супермаркетнинг бўш пештахталари ёнидан ўтмоқда. Ҳозирда Гонконгда коронавирус билан касалланганлар сони 50 нафарга етган.

Франция президенти Эммануэль Макрон Шамони тоғ-чанғи курортидаги Мер де Глас муз комплексига ташриф буюрди.

Вена, Австрия

Қутб айиғининг боласи онаси Нора билан бирга сайр қилмоқда. Ноябрда туғилиб, ҳозиргача исм берилмаган айиқ боласи илк бор Шенбрунндаги ҳайвонот боғида омма олдига чиқди.

Сидней, Австралия

Пўртана катта миқдордаги сув ўтларини Куги пляжига чиқариб ташлади.

Торсби, Швеция

Toyota Yaris WRC машинасидаги французлар раллида иштирок этмоқда.

Гуандун, Хитой

Гуанчжоудаги кўп қаватли уйлар олдидаги ҳаво дезинфекция қилинмоқда. Коронавирус билан касалланганларни ҳисоблаш усули ўзгартирилганидан сўнг коронавирус юқтирганлар сони кескин ошди.

Чанада сирпанчиқ учаётган болакай.

Йоханнесбург, ЖАР

2019 йил декабрида Олам гўзали деб топилган Зозибини Тунзи ватанига қайтди. 2019 йилда бешта асосий гўзаллик танловининг барчасида биринчи марта қора танлилар ғолиб чиқди.

Назаре, Португал

Португалияда ўтказилаётган сёрфинг мусобақаси қатнашчиси катта тўлқинлар сари ҳаракатланмоқда.

Мехико, Мексика

Мексика конгресси биносига зиналардан чиқиб бораётган эркак.

Накхонратчасима, Таиланд

Терминал 21 савдо марказида буддист монахлари оммавий қотиллик қурбонларининг хотираси диний маросим ўтказди. 8 февраль куни Накхонратчасима шаҳрида ҳарбий хизматчи Жакрапант Томма бир неча хизматдошини отиб ташлаб, ҳарбий автомобилни ўғирлади ва савдо марказини ўққа тутди. Ҳодиса оқибатида 26 киши ҳалок бўлиб, ўнлаб одамлар жароҳат олди.

Ниқоб таққан эркак ниқоб таққан ити билан сайр қилмоқда.

Хиос оролида қочоқлар учун лагер қурилишига қарши маҳаллий аҳоли тоғ ёнбағрига матодан баннер ўрнатди. Улар матолардан «йўқ» сўзини ясади.

Мумбай, Ҳиндистон

Мумбайда мода ҳафталиги ўтказилмоқда.

Манила, Филиппин

Манилада PETA фаоллари таомларда гўштнинг ишлатилишига қарши норозилик акцияси ўтказди. Ҳайвон ҳимоячилари ўлимга олиб келувчи касалликлардан ҳимояланиш учун одамларни вегетариан бўлишга чақирди.

Тошкент, Ўзбекистон

Ўзбекистон Хитойга коронавирусга қарши курашиш учун гуманитар ёрдам юборди. Ил-76 самолётига ортилган гуманитар юк таркибида энг зарурий тиббий анжомлар, хусусан, Хитойда айни пайтда талаб этилаётган бир марта қўлланадиган стерил қўлқоплар, ҳимояловчи уст кийим, ниқоб ва бошқалар мавжуд.