Sellofan ostiga yashiringan xitoyliklar, axlat titayotgan O‘rgimchak odam, Iroqqa yoqqan qor. 11-fevralning eng qiziqarli suratlari

11-fevral, seshanba kuni dunyoning turli burchaklarida olingan eng qiziqarli suratlar jamlanmasini taqdim etamiz.

Xitoy

Koronavirus tufayli vafot etganlar soni Xitoyda mingdan oshib ketdi. Odamlar himoyalanish uchun polietilen sellofanlar ostiga yashirinmoqda.

Nyu-Gempshir, AQSh

AQSh prezidenti Donald Tramp Nyu-Gempshirdagi saylovoldi mitingida Oq uy maslahatchisi, qizi Ivanka Tramp bilan salomlashmoqda.

Yokogama, Yaponiya

Koronavirus tufayli karantinga olingan Diamond Princess kruiz kemasi yo‘lovchilarining qarindoshlari portda ular bilan telefon orqali so‘zlashmoqda. Kemada jami 135 kishida koronavirus aniqlangan. Karantin 19-fevralgacha davom etadi. Rasmiylar keksalar va bemorlarni evakuatsiya qilishni boshladi.

Janubiy Sulavesi, Indoneziya

Sohil bo‘yida O‘rgimchak odam kiyimini kiyib olgan odam axlatlarni titmoqda.

Pekin, Xitoy

Xitoy rahbari Si Szinpin Pekinda koronavirusning oldini olish va unga qarshi kurashish bo‘yicha amalga oshirilayotgan ishlarni ko‘zdan kechirmoqda. U koronavirusga qarshi kurashda shifokorlarga yordam berishga chaqirdi.

Iroq

Iroq shimoliga qor yog‘di.

Nyu-Deli, Hindiston

Saylovlarda g‘alaba qozongan partiya tarafdorlarining xursandchiligi.

Shanxay, Xitoy

Niqob taqib, polietilen paketga o‘ranib olgan yo‘lovchi Shanxay temiryo‘l stansiyasidan chiqib kelmoqda.

London, Angliya

Sent-Jeyms parkidagi turist.

Nyu-York, AQSh

Moda haftaligida model Bella Hadid dizayner Oskar de la Rentaning liboslarini namoyish etmoqda.

Kuang Nin, Vyetnam

Xitoyning Uxan shahridan evakuatsiya qilingan vyetnamliklar Van Don aeroportida kutib olinmoqda.

Byuken, Avstraliya

Fermer Jeff Makkol o‘g‘li tomonidan yasalgan uy modelini ushlab turibdi. Viktoriyadagi o‘rmon yong‘inlarida ushbu oilaning uyi yonib ketgan.

Pekin, Xitoy

Koronavirusdan himoyalanish uchun xavfsizlik choralarini ko‘rgan temiryo‘l yo‘lovchisi.

Antarktida

Ikki Hammok oroli yaqinida suzayotgan pingvinlar.

Delaver, AQSh

Afg‘onistondagi hujum chog‘ida halok bo‘lgan maxsus xizmat serjanti Xavyer Gutyerresning jasadi keltirilgan AQShga keltirildi. AQSh prezidenti Donald Tramp va vitse-prezident Mayk Pens marhumning xotirasiga hurmat ko‘rsatmoqda.

Shandun, Xitoy

Sanoat zonasida dezinfeksiyani amalga oshirayotgan ishchi.

Bayrut, Livan

Livanda hukumatga qarshi namoyishlar davom etmoqda.

Gerrero, Meksika

Ayaxualatempa qishlog‘idagi bolalar o‘yinchoq qurollar misolida quroldan qanday foydalana olishini ko‘rsatmoqda. Politsiya narkosavdogarlardan himoyalanish uchun bolalarga quroldan foydalanishni o‘rgatmoqda.

Yunnan, Xitoy

Gullar auksionidagi niqob taqqan savdogarlar.

York, Angliya

Yorkda daryo suvi ko‘tarilishi oqibatida bir necha obyektlar suv ostida qoldi.

Singapur

Singapore Airshow 2020 xalqaro aviasaloni ochildi. Koronavirus tufayli ko‘plab aviakompaniyalar bu yilgi ko‘rgazmada ishtirok etishdan bosh tortdi.