JARga qaytgan olam go‘zali, niqob taqqan it, kurortdagi prezident. 13-fevralning eng qiziqarli suratlari

13-fevral, payshanba kuni dunyoning turli burchaklarida olingan eng qiziqarli suratlar jamlanmasini taqdim etamiz.

Pekin, Xitoy

Xitoy poytaxtida niqob taqib olib, velosipedda harakatlanayotgan erkak. Hozirda koronavirus tufayli Xitoyda vafot etganlar soni 1300 dan oshib ketdi.

Bristolda cho‘zmadan otayotgan qizaloqning graffitisi paydo bo‘ldi. Bu Benksining yangi ishi bo‘lishi mumkin deb taxmin qilinmoqda.

Van, Turkiya

Turkiya sharqidagi Van viloyatiga bir metrdan ortiq qor yog‘di. Shu sababli 687 ta aholi punktiga olib boruvchi yo‘llar yopilib qoldi. Fevral boshida Van viloyatida yuz bergan qor ko‘chkisi oqibatida 40 dan ortiq odam halok bo‘lgandi.

San-Lorenso, Paragvay

Federal ishchi Denge bezgagi tashuvchisi hisoblangan chivinlarni yo‘qotish uchun maktab hududida fumigatsiya (tutatish) qilmoqda.

Gonkong

Ikki xaridor supermarketning bo‘sh peshtaxtalari yonidan o‘tmoqda. Hozirda Gonkongda koronavirus bilan kasallanganlar soni 50 nafarga yetgan.

Fransiya prezidenti Emmanuel Makron Shamoni tog‘-chang‘i kurortidagi Mer de Glas muz kompleksiga tashrif buyurdi.

Vena, Avstriya

Qutb ayig‘ining bolasi onasi Nora bilan birga sayr qilmoqda. Noyabrda tug‘ilib, hozirgacha ism berilmagan ayiq bolasi ilk bor Shenbrunndagi hayvonot bog‘ida omma oldiga chiqdi.

Sidney, Avstraliya

Po‘rtana katta miqdordagi suv o‘tlarini Kugi plyajiga chiqarib tashladi.

Torsbi, Shvetsiya

Toyota Yaris WRC mashinasidagi fransuzlar rallida ishtirok etmoqda.

Guandun, Xitoy

Guanchjoudagi ko‘p qavatli uylar oldidagi havo dezinfeksiya qilinmoqda. Koronavirus bilan kasallanganlarni hisoblash usuli o‘zgartirilganidan so‘ng koronavirus yuqtirganlar soni keskin oshdi.

Chanada sirpanchiq uchayotgan bolakay.

Yoxannesburg, JAR

2019-yil dekabrida Olam go‘zali deb topilgan Zozibini Tunzi vataniga qaytdi. 2019-yilda beshta asosiy go‘zallik tanlovining barchasida birinchi marta qora tanlilar g‘olib chiqdi.

Nazare, Portugal

Portugaliyada o‘tkazilayotgan syorfing musobaqasi qatnashchisi katta to‘lqinlar sari harakatlanmoqda.

Mexiko, Meksika

Meksika kongressi binosiga zinalardan chiqib borayotgan erkak.

Nakxonratchasima, Tailand

Terminal 21 savdo markazida buddist monaxlari ommaviy qotillik qurbonlarining xotirasi diniy marosim o‘tkazdi. 8-fevral kuni Nakxonratchasima shahrida harbiy xizmatchi Jakrapant Tomma bir necha xizmatdoshini otib tashlab, harbiy avtomobilni o‘g‘irladi va savdo markazini o‘qqa tutdi. Hodisa oqibatida 26 kishi halok bo‘lib, o‘nlab odamlar jarohat oldi.

Niqob taqqan erkak niqob taqqan iti bilan sayr qilmoqda.

Xios orolida qochoqlar uchun lager qurilishiga qarshi mahalliy aholi tog‘ yonbag‘riga matodan banner o‘rnatdi. Ular matolardan “yo‘q” so‘zini yasadi.

Mumbay, Hindiston

Mumbayda moda haftaligi o‘tkazilmoqda.

Manila, Filippin

Manilada PETA faollari taomlarda go‘shtning ishlatilishiga qarshi norozilik aksiyasi o‘tkazdi. Hayvon himoyachilari o‘limga olib keluvchi kasalliklardan himoyalanish uchun odamlarni vegetarian bo‘lishga chaqirdi.

Toshkent, O‘zbekiston

O‘zbekiston Xitoyga koronavirusga qarshi kurashish uchun gumanitar yordam yubordi. Il-76 samolyotiga ortilgan gumanitar yuk tarkibida eng zaruriy tibbiy anjomlar, xususan, Xitoyda ayni paytda talab etilayotgan bir marta qo‘llanadigan steril qo‘lqoplar, himoyalovchi ust kiyim, niqob va boshqalar mavjud.