Янги коронавируснинг мавжудлигини аниқлаш бўйича ҳар икки синов ҳам нотўғри натижа бериши мумкин, шунинг учун касаллик билан боғлиқ ҳақиқий ҳолатлар сони камида икки баравар кўп бўлиши мумкин. Бу ҳақда хитойлик шифокорлар томонидан ўтказилган тадқиқотга таяниб, «Интерфакс» хабар берди.
Маълум қилинишича, Хитой шифокорлари янги коронавирусни текшириш пайтида нотўғри салбий натижалар жуда кўп бўлиши мумкинлигини таъкидлаган. Яъни, тест организмда вирус йўқлигини кўрсаца ҳам, аслида вирус мавжуд бўлиши мумкин.
Академик Ванг Ченнинг сўзларига кўра, ҳозирги кунда вирус билан касалланиш ҳолатларнинг атиги 30—50 фоизи лаборатория текширувларида ижобий натижа беради. Ташхиснинг аниқлиги билан боғлиқ муаммолар, вирусни аниқлаш эҳтимоли пастки нафас йўлларидан олинган намунани ўрганишда энг юқори бўлиб, балғамни ўрганишда унинг аниқлиги паст ҳисобланади. Олимларнинг хулосаларига кўра, томоқдаги шилимшиқларни таҳлил қилиш балғам намуналарини ўрганишга қараганда камроқ ишончли ҳисобланади.
Қайд этилишича, нотўғри натижаларнинг яна бир манбаси ташхис тўпламларига бўлган талаблар ҳисобланади. Талабнинг ошиши сабабли ташхис тўпламлари учун сифатни тасдиқлашнинг махсус тартиби яратилган, бу уларнинг сезгирлигига таъсир қилади.
Ҳозирги кунда дунёда янги коронавирусни аниқлаш учун бир нечта синов тизимлари ишлаб чиқилган. Хусусан, Хитойнинг Ухань шаҳридаги Вирусология институтида 2019-nCov сабаб бўлган пневмония марказида иммунохроматографик таҳлил асосида синов тизимлари ишлаб чиқилган. Бир қатор мамлакатларда ташхис учун полимераза занжири реакцияси (ПЦР) усулига асосланган тест тизимлари ишлаб чиқилган.
Хитойда коронавирус оқибатида вафот этганлар сони 1016 кишидан ошиб кетди. Маълумотларга кўра, айни вақтда мамлакат ҳудудида 42 638 кишида касаллик ҳолати қайд этилган. 37 726 киши ҳозирда даволанишда бўлиб, улардан 7333 нафарининг аҳволи оғир. Жами 3996 киши касалликдан даволаниб, тиббиёт муассасасидан уйига жавоб бериб юборилган.
Мавзуга доир: Хитой коронавируси бўйича 11 февралнинг асосий хабарлари
Изоҳ (0)