Жаҳон соғлиқни сақлаш ташкилоти (ЖССТ) аввал 2019-nCoV деб эътироф қилинган коронавирус инфекциясига янги ном берди. Бу ҳақда ЖССТ бош директори Тедрос Гебрейесус брифингда маълум қилган, дейилади ташкилотнинг Twitter’даги расмий саҳифасида.
ЖССТ қарорига мувофиқ, инфекция COVID-19 номини олган, бу Corona Virus Disease жумласининг қисқартмаси («коронавирус келтириб чиқарадиган касаллик») ва мос равишда вирус тарқалган йил (2019).
Гебрейесус вирус инфекциясига ном беришдаги танловга изоҳ бериш вақтида ЖССТда тан олинган меъёрларга кўра ном «географик жойлашув, ҳайвон, одам ёки одамлар гуруҳига алоқадор бўлмаслиги, осон талаффуз қилиниши ва касалликка алоқадор бўлиши лозимлигини» таъкидлаган.
«Расмий номнинг бўлиши вируснинг бошқача талқин қилиниши, яъни ноаниқ ёки чалғитувчи ном билан аталишининг олдини олади. Шунингдек, бу бизга келажакда яна коронавирус билан боғлиқ ҳолатлар кузатилганда стандарт форматда уларга қарши курашиш имконини ҳам беради», — дея таъкидлаган ЖССТ раҳбари.
Мавзуга доир:
Изоҳ (0)