«Хуфиёна иқтисодиёт»га қарши кураш 2017–2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегиясини «Илм, маърифат ва рақамли иқтисодиётни ривожлантириш йили»да амалга оширишга оид давлат дастури лойиҳасида ҳам энг асосий йўналишлардан бири бўлиб қолган.
Лойиҳага кўра, 2020 йилда ҳам 2019 йилда бўлгани каби «хуфиёна иқтисодиёт» кўламларини кескин қисқартириш бўйича чора-тадбирларни амалга ошириш давом этади.
2019 йил сентябрь ойида бошланган амалиёт яъни «хуфиёна иқтисодиёт» илдизларини таҳлил қилиш мақсадида хорижлик мутахассислар жалб қилинади.
2019 йил охирида бошланган рақамли қадоқлаш ва онлайн-кассаларни жорий қилиш масалалари ҳам назоратга олинади. Ўтган йили Ўзбекистондаги ноқонуний алкогол бозори таъсирини камайтириш мақсадида алкогол ва тамаки маҳсулотларини рақамли қадоқлаш ишлари бошланганди.
2020 йилда ҳам таркибида алкогол йўқ бўлган ичимликлар ва озиқ-овқат маҳсулотларида мажбурий тартибда рақамли қадоқлаш ишлари олиб борилади. Солиқ қўмитаси маркировка қилинган товарларни электрон база рўйхатига киритади.
Интернет орқали савдо қилувчи шахсларни аниқлаш механизмлари ҳам такомиллаштирилади, уларни солиққа тортиш механизми ишлаб чиқилади.
Давлат дастури лойиҳасида индивидуал тадбиркорларнинг ноқонуний фаолияти ва ўз-ўзини банд қилган фуқаролар сонини қисқартириш масалаларига ҳам урғу берилган. 2019 йилда бошланган ёлланма меҳнат билан шуғулланувчи фуқароларга гувоҳномалар бериш бўйича ишлар якунига етказилади.
Мавзуга доир:
Дўконлар, ресторанлар, дорихоналар ва бошқа жойларда ишлатиладиган дастурларни Солиқ қўмитаси ахборотларни қайта ишлаш маркази билан интеграция қилиш режалаштирилмоқда.
Банкоматлар орқали нақд ёки электрон пулни пластик картага юклаш ёки банкдаги ҳисоб рақамига ўтказиш жараёнида ҳам ислоҳотлар амалга оширилади.
Изоҳ (0)