Осиё Чемпионлар Лигасининг 2020 йилги мавсуми старт олди. «Дарё» ғарб минтақасининг 1-тур тафсилотлари билан таништиради.
Мусобақани «B» гуруҳи вакиллари бошлаб берди, дастлабки баҳс Тошкентда «Пахтакор» ва «Шабоб ал-Аҳли» жамоалари ўртасида кечди. Ноқулай об-ҳаво шароитида ўтган ўйинда «шерлар»нинг қўли баланд келди.
Ўйиннинг 18-дақиқасида Жалолиддин Машарипов дарвозабоннинг устидан тўпни оширган ҳолда турнинг энг чиройли голларидан бирига муаллиф бўлди. Бу мусобақа янги мавсумининг илк голи бўлиб тарихга кирди. Иккинчи бўлим ўрталарига келиб меҳмонлар Педро Конденинг голидан кейин мувозанатни тиклашга муваффақ бўлди. Бироқ орадан уч дақиқа ўтиб Драган Черан ўйиндаги ғалаба тўпини киритди. Шу тариқа Шота Арвеладзе шогирдлари ОЧЛ—2020 мусобақасини ғалаба билан бошлади. Шунингдек, «Пахтакор» мусобақадаги кетма-кет еттинчи уй учрашувида мағлуб бўлмади.
Мавзуга доир: ОЧЛ. «Пахтакор» кетма-кет 7 та уй учрашувида мағлуб бўлмади, сўнгги бор жамоа 2015 йилда ютқазганди
Кейинги турда «Пахтакор» 17 февраль куни «Шаҳр Хордо»ни қабул қилади. «Ҳилол» эса БААда меҳмон бўлади.
«А» гуруҳидаги ҳар икки ўйинда ҳам 1:1 ҳисобидаги натижалар қайд этилди.
Ўзбекистон терма жамоаси ярим ҳимоячиси Отабек Шукуров ҳаракат қилаётган «Шаржа» ўз майдонида «Ат-Тавун» жамоасини қабул қилди. Учрашувнинг 34-дақиқада Файсал Дарвиш томонидан киритилган гол меҳмонларга уч очко тақдим этди.
Гуруҳнинг иккинчи ўйинида «Ад-Дуҳайл» жамоаси «Персеполис» устидан ишончли ғалабани қўлга киритди. 5-дақиқада Марио Манжукич ҳисобни очди, бу хорватиялик футболчи учун Осиё Чемпионлар Лигасидаги дебют гол бўлди. 13-дақиқада Эдмилсон Жуниор қатарликларнинг иккинчи голини урди.
«D» гуруҳида ҳам қизиқарли натижалар қайд этилди. «Бунёдкор»ни плей-офф босқичида қолдириб кетган «Ал-Айн» ўз майдонида «Сепахон»ни қабул қилди. Учрашувда форслар амирликлар дарвозасини жавобсиз тўрт бор ўққа тутди. Гуруҳнинг иккинчи ўйини етакчилар ўртасида кечди. Саудия Арабистонининг «Ан-Насср» ва Қатарнинг «Ас-Садд» жамоалари жанговар дуранга имзо чекди.
ОЧЛ
1-тур баҳслари
10 февраль, душанба
А гуруҳи
«Аш-Шорта» — «Истиқлол» 1:1
Голлар: 0:1 — 24, автогол Ҳусам Кадим, 1:1 — 48, пенальти Али Файз Атияҳ«Ал-Ваҳда» — «Ал-Аҳли» 1:1
Голлар: 0:1 — 60 Абдулфаттоҳ Асирий, 1:1 — 90 Рим Чан ВуB гуруҳи
«Пахтакор» — «Шабоб ал-Аҳли» 2:1
Голлар: 1:0 — 18 Жалолиддин Машарипов, 1:1 — 67 Педро Конде, 2:1 — 70 Драган Черан.«Ал-Ҳилол» — «Шаҳр Хордо» 2:0
Голлар: 1:0 — 45 Андре Каррильо, 2:0 — 69 Бафетимби Гомис11 февраль, сешанба
C гуруҳи
«Шаржа» — «Ат-Тавун» 0:1
Гол: 0:1 — 34 Файсал Дарвиш«Ад-Дуҳайл» — «Персеполис» 2:0
Голлар: 1:0 — 5 Марио Манжукич, 2:0 — 13 Эдмилсон ЖуниорD гуруҳи
«Ал-Айн» — «Сепахон» 0:4
Голлар: 0:1 — 38 Муҳаммад Муҳеби, 0:2 — 46 Кирос, 0:3 — 52 Сороуш Рофейи, 0:4 — 78 Муҳаммад Тайеби«Ан-Насср» — «Ас-Садд» 2:2
Голлар: 1:0 — 7 Абдурразоқ Ҳамдуллоҳ, 1:1 — 9 Бағдод Бунеджа, 1:2 — 49 Ҳассан ал-Ҳайдос, 2:2 — 53 Абдулраҳмон ал-ОбаидЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)