«Барселона» жамоаси «Реал Сосьедад» ҳужумчиси Виллиан Жозени ўз сафига қўшиб олишга уриниб кўради.
Бразилиялик футболчи каталон клубининг асосий трансфер мақсади бўлиб турибди. «Барселона» Усмон Дембеленинг Финляндиядан келишини кутмоқда. Жамоа франциялик футболчи беш ойга сафдан чиққанини эълон қилади. Шундан кейин Испания футбол федерацияси «Барселона»га трансфер ойнаси якунланганига қарамай яна бир ҳужумчи сотиб олишга рухсат беради.
28 ёшли футболчининг шартномасида 70 миллион евро миқдоридаги товон пули кўрсатилган. «Барселона» ушбу миқдорни камайтириш мақсадида Сан-Себастьян клуби билан музокара олиб бормоқда. «Барселона» мазкур масалани ҳафта охиригача ҳал қилмоқчи.
Бундан ташқари «Барселона» Лукас Перес («Алавес»), Луис Чаррис («Сарагоса») ва Лорон Морон («Бетис») вариантларини ҳам кўриб чиқмоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)