ХХР раиси Си Цзиньпин коронавирус тарқалиши шароитида аҳоли турмуш шароитларини яхшилаш ва бандлигини таъминлаш масалаларига эътибор қаратиш, энг аввало одамларни оммавий равишда ишдан бўшатилишига йўл қўймаслик лозимлигини таъкидлади.
«Истеъмолни барқарорлаштириш, онлайн-истеъмол соҳасини ривожлантириш. Турли ташкилот ва саноат корхоналарининг қайта иш бошлашини фаоллаштириш, эпидемия таъсир кўрсатган катта корхоналарга энг аввало моддий ва кадрлар нуқтаи назаридан зарурий кўмак бериш, уларнинг қийинчиликларни енгиб ўтишига ёрдам қилиш керак», – дейилади «РИА Новости» иқтибос келтирган баёнотда.
Хитой давлат раҳбарининг сўзларига кўра, эпидемик вазият оғирлашгани сайин аҳоли ҳимояси ва турмуш шароитини яхшилаш, хусусан бандликни таъминлаш ва оммавий ишдан бўшатишларни олдини олишга кучли эътибор қаратиш зарур.
Хитой ҳукумати 2019 йил 31 декабрда Жаҳон соғлиқни сақлаш ташкилотига Хубэй вилоятининг Ухань шаҳрида номаълум вирус тарқалганини хабар қилган. Кейинчалик мутахассислар томонидан касаллик тарқатувчисининг 2019-nCoV коронавируси эканлигини маълум қилган. 10 февраль ҳолатига кўра, Хитойнинг ўзида 908 нафар одам ушбу касаллик туфайли вафот этган, улар орасида икки нафар хорижлик ҳам бор, вирусга чалинганлик ҳолати 40,1 минг нафар одамда кузатилган.
Мавзуга доир:
Изоҳ (0)