Ўзбекистон маданият вазири Озодбек Назарбеков Тошкентдаги «Илҳом» театри атрофидаги вазият юзасидан баёнот берди. Унинг баёноти Маданият вазирлиги матбуот хизмати томонидан тарқатилган.
Мавзуга доир: «Илҳом» театридан «Тошкентнинг умумий манзарасини бузиб турган» бинони бўшатиш сўралди. Театр учун бу «ўлимга тенг» илтимос
«Учрашувда нафақат Ўзбекистонда, балки хориж мамлакатларида ҳам ўз довруғи ва мухлисига эга бўлган ‘Илҳом’ театри ўз жойида қолишига келишиб олинди», — дейди вазир.
Озодбек Назарбековнинг қўшимча қилишича, «маданият ва санъат — Маданият вазирлигининг доимий ҳимоясидадир». «Бундан буён ‘Илҳом’ театрининг ижодий фаолияти ҳам ҳар томонлама вазирлик томонидан қўллаб-қувватланади», — деди вазир.
Аввалроқ Президентнинг тўнғич қизи Саида Мирзиёева жамоатчилик «Илҳом» театрини «хафа қилдириб қўймас»лигини таъкидлаган эди. Тошкент шаҳар ҳокимлиги эса театр жойлашган «Шодлик Палас» меҳмонхонасининг Шайхонтоҳур туман ҳокимлиги кўрсатмасига асосан таъмирланиши ҳақидаги хабарлар юзасидан текширув бошланганини маълум қилган эди.
Изоҳ (0)