Ориф Бўтаев «Микрокредитбанк» акциядорлик-тижорат банки бошқаруви раиси этиб тайинланди. Бу ҳақда банк матбуот хизмати маълум қилди.
Лавозимга тайинлангунга қадар Ориф Бўтаев «Ўзсаноатқурилишбанк» АТБ бошқаруви раисининг биринчи ўринбосари лавозимида ишлаб келаётган эди. Ундан аввал эса Марказий банк раисининг ўринбосари, Марказий банкнинг Кредит ахборотларининг давлат реестрини юритиш департаменти директори лавозимида фаолият юритган.
Ориф Бўтаев 1983 йил Сурхондарё вилоятида туғилган. 2006 йилда Тошкент давлат иқтисодиёт университетининг бакалавриат босқичини — «Банк иши», 2012 йилда «Банк-молия академиясининг магистратура бўлимини – «Инвестицияларни бошқариш» мутахассислиги бўйича тамомлаган.
Изоҳ (0)