Ўзбекистон Соғлиқни сақлаш вазирлиги республикадаги мактабгача таълим муассасалари раҳбариятига болаларни коронавирусдан сақлаш бўйича эслатма берди.
Вазирлик томонидан қайд этилишича, болалар боғчалари маъмурияти тарбияланувчиларни коронавирус юқишидан асраш учун қуйидагиларни амалга ошириши керак:
- Спиртли воситалар ёрдамида болалар қўлини дезинфекция қилиш учун зарур шарт-шароитларни мажбурий тартибда яратиш;
- Болаларга қўлларни совун билан астойдил ва тез-тез ювиш, спиртли дезинфекцияловчи воситалардан фойдаланиш, овқатланишдан олдин ҳамда ҳожатхонадан кейин қўлларни ювиш, дарс ва танаффус пайтида спиртли нам салфеткаларда қўлларни артиш зарурлиги ҳақида эслатиб туриш;
- Болаларга юзларини қўл билан ушламасликни тавсия этиш;
- Болалар йўталганида, бурун қоққанида ва аксирганида оғиз билан бурунга дастрўмол ёки салфеткани тутиш. Ундан кейин дастрўмол ёки салфеткани дарҳол ахлатга ташлаш ва қўлни ювиш;
- Болаларга шамоллаш ёки грипп аломатларига эга одамлар билан мулоқот ёки яқин алоқа қилишдан чекинишни айтиш (бемор билан икки метргача масофада туриш);
- Болаларда илк касаллик аломатлари кузатилганда, уйда қолиш ва дарҳол шифокорга мурожаат қилишни тавсия қилиш;
- Боғча болаларидан бирортаси касалланса, дарҳол уни изоляция қилиш, касалланиш ҳақида ота-онасига хабар бериш ва тез тиббий ёрдам чақириш;
- Болаларга доим оғиз ва бурун учун мўлжалланган тиббий ниқоблардан фойдаланишни ҳамда яшаш уйлари ва синф хоналарини тоза ҳаво билан шамоллатишни тавсия этиш.
- Хом гўшт ва пиширилган маҳсулотлар учун алоҳида пичоқ ва чопиш тахталарини ишлатиш;
- Пиширилган маҳсулотлар билан муомала қилишдан олдин хом маҳсулотларни, айниқса, гўшт ва сут маҳсулотларини ушлагандан кейин қўлларни яхшилаб ювиш;
- Гўшт маҳсулотларини овқатга ишлатиш шарти шуки, улар яхшилаб қайнатилган ёки қовурилган, яъни пухта пиширилган бўлиши керак;
- Касал ҳайвон ёки касаллик оқибатида ўлган ҳайвон гўштини асло овқатга ишлатмаслик;
- Келиб чиқиши ҳайвонларга мансуб маҳсулотларнинг хом ёки чала қайнатилганларини истеъмол қилишдан тийилиш. Қўлнинг зарарланишига йўл қўймаслик учун хом гўшт, сут билан эҳтиёткор муомала қилиш лозим. Сутни яхшилаб қайнатиш.
- Респиратор инфекция аломатлари кузатилса — йўтал, нафас олишда қийналиш;
- Респиратор инфекция аломатларига эга беморга қаралаётган вақтда;
- Соғлиқни сақлаш тизими ходими бўлиб, респиратор инфекция аломатларига эга беморларни бориб кўриш вақтида.
Эслатиб ўтамиз, Хитойда коронавирусдан вафот этганлар сони 900 кишидан ошиб кетди. Жаҳон соғлиқни сақлаш ташкилоти (ЖССТ) бош директори Тедрос Адан Гебрейесус коронавирусга қарши курашда ниқоблардан оқилона фойдаланишга чақирди. Ташкилот ҳимоя воситаларига талаб 100 баравар, унинг нархи эса 20 баравар ошишини тахмин қилмоқда.
Аввалроқ Тошкентда тиббий ниқоблар дефицити кузатилаётгани ва Ўзбекистон бўйича нархи кескин ошгани ҳақида хабар берилган эди. Ўзбекистонлик йигит эса 300 дан ортиқ тиббий ниқобларни Қирғизистондан ноқонуний олиб чиқишга уринган вақтда қўлга олинди.
Истеъмолчилар ҳуқуқларини ҳимоя қилиш агентлиги ўз ваколатлари доирасида дорихоналарда дори воситалари ва тиббиёт буюмлари учун белгиланган улгуржи ва чакана савдо устамаларига риоя қилиниши устидан назоратни амалга оширишини маълум қилиб, фармацевтика соҳасида фаолият юритувчи тадбиркорлардан дори воситалари ва тиббий буюмларга нарх белгилаш тартибига, лицензия талаблари ва шартларига қатъий риоя қилишни сўраган.
Изоҳ (0)