Ухандаги госпитал янги турдаги коронавирус хавфи ҳақида биринчилардан бўлиб огоҳлантирган шифокор Ли Вэньлян коронавирус оқибатида вафот этганини маълум қилди, деб хабар беради South China Morning Post.
Госпиталдагиларнинг таъкидлашича, 34 ёшли шифокор 7 февраль куни маҳаллий вақт билан соат 02:58 да оламдан ўтган.
Бироқ шифокорнинг ўлими эълон қилинганидан бир неча соат ўтиб, Global Times Ли тирик эканлиги ва ҳозирда жонлантириш бўлимида ётганлиги ҳақида хабар берди. Бу каби хабар госпиталнинг Weibo ижтимоий тармоғидаги саҳифасида ҳам пайдо бўлган. Нашр шифокорнинг ўлими ҳақидаги твитни ўчириб ташлаган.
BBC’нинг госпиталдаги манбаларига таяниб маълум қилишича, Лининг ўлими ижтимоий тармоқларда муҳокама қилина бошлангач, амалдорлар унинг танасини ҳаётни таъминлаш тизимига улаб қўйишни ва хабардаги «ўлди» жумласини «оғир аҳволда ётибди»га ўзгартириш бўйича топшириқ берган.
Ли Вэньлян 2019 йилнинг декабрида вирус юқтириб олган беморлар ҳақида ҳамкасбларини огоҳлантиришга уринган. Дастлаб у атипик пневмония эпидемиясини чақирадиган вирус ҳақида WeChat орқали оммага маълум қилган. Амалдорлар ва полиция шифокордан ёлғон маълумотлар тарқатмасликни сўраган ва у ўз ишини яна давом эттира бошлаган. Январь ойининг ўрталарига келиб эса Лининг ўзи ҳам коронавирусни юқтириб олган.
Аввалроқ Хитойнинг етакчи эпидемиологи Ли Лансзюан бошчилигидаги тадқиқотчилар гуруҳи (2019-nCoV) коронавирусга қарши курашда ютуққа эришганини эълон қилди. Шунингдек, Хитой коронавирусга қарши 3 йилдан бери мавжуд бўлган дорига патент олмоқчи эканлиги маълум қилинди.Тошкентдаги дорихоналарда эса ниқобларнинг тақчиллиги кузатилмоқда, баъзи дорихоналарда кунига 700 дона ниқоб сотилмоқда. Ўзбекистон дорихоналарида эса тиббий ниқоблар нархи 500 сўмдан 5000 сўмгача ошди.
Изоҳ (0)