5 февраль кунининг ҳисоб-китобларига кўра, Хитойда коронавирусни янги юқтириб олганлар сони эпидемия бошланганидан бери биринчи бор аввалги кунга нисбатан камайди. Бу ҳақда 6 февраль куни Жаҳон соғлиқни сақлаш ташкилотининг фавқулодда дастурлар бўйича ижрочи директори Майк Райан маълум қилди, деб хабар беради Reuters.
Шу билан бирга Райан эпидемия ўзининг юқори нуқтасига чиқди деб айтиш учун ҳали эрта эканлигини таъкидлаган.
Хитой соғлиқни сақлаш миллий комиссияси маълумотларига кўра, Хитойнинг ўзида 563 киши вафот этган. Мамлакат ҳудудидан ташқарига янги қурбонлар йўқ. Аввалроқ Гонконгда ҳам ва Филлипинда ҳам бир киши вафот этгани хабар берилган эди.
Аввалроқ Хитойнинг етакчи эпидемиологи Ли Лансзюан бошчилигидаги тадқиқотчилар гуруҳи (2019-nCoV) коронавирусга қарши курашда ютуққа эришганини эълон қилди. Шунингдек, Хитой коронавирусга қарши 3 йилдан бери мавжуд бўлган дорига патент олмоқчи эканлиги маълум қилинди.
Изоҳ (0)