Жиззах шаҳрида жорий йилнинг 31 январь куни С.Х. ўзнинг ҳомиладор турмуш ўртоғини ёқиб юборди. Бу ҳақда Жиззах вилояти прокуратураси хабар берди.
Маълум қилинишича, 31 январь куни соат 13:00 да фуқаро С.Х. Жиззах шаҳар Мустақиллик кўчасида жойлашган кўп қаватли 14-уйнинг лифтида турмуш ўртоғи М.У.нинг устига бензин сепиб, уни ёқиб юборган. Қайд этилишича, С.Х. рафиқасини бошқа эркаклар билан ишқий муносабатда бўлиб келганликда гумон қилган ва шу сабабли у билан жанжаллашиб, мазкур ишга қўл урган.
Мазкур ҳолат юзасидан Жиззах шаҳар прокуратураси томонидан фуқаро С.Х.га нисбатан Ўзбекистон Республикаси Жиноят кодексининг тегишли моддаси билан жиноят иши қўзғатилиб, ҳозирда шаҳар прокуратураси томонидан дастлабки тергов ҳаракатлари олиб борилмоқда.
Изоҳ (0)