Amerikada demokratlarning dastlabki saylovlarida mobil ilovalar bilan bog‘liq muammolar tufayli ovozlarni hisoblash imkoni bo‘lmadi

AQShning Ayova shtatidagi demokratik partiyaning dastlabki saylovlari tashkilotchilari ovozlarni hisoblash uchun ishlatiladigan mobil ilovalar bilan bog‘liq muammolar tufayli ovoz berish natijalarini e’lon qilishni kechiktirdi. Bu haqda Meduza xabar berdi.

Demokratlar vakilining ma’lum qilishicha, taqdim etilgan ma’lumotlarning nomuvofiqligi sababli natijalarni e’lon qilish kechiktirilgan. “Bu xaker hujumi yoki tashqi aralashuvga bog‘liq emas”, — dedi partiya vakili.

Ovoz berish natijalarini taqdiim etish uchun tashkilotchilar yig‘ilish protokollarini o‘rganadi.

Umuman olganda, dastlabki saylovlarda 11 kishi faol ishtirok etmoqda, Ayova shtati kampaniyalari yetti nomzodni tasdiqlagan: bular — AQShning sobiq vitse-prezidenti Jo Bayden, senatorlar Berni Sanders ( Vermont), Elizabet Uorren (Massachusets) va Emi Klobushar (Minnesota), Saut Bend (Indiana) shahrining sobiq meri Pit Buttijij, tadbirkor Endryu Yang va milliarder Tom Steyer.

AQSh prezidenti saylovi 2020-yilning 3-noyabrida o‘tkazilishi rejalashtirilgan.