Интернетда фуқаролик кийими ҳамда ички ишлар органлари формаси кийимидаги одамлар жисмоний машқлар қилаётгани — мажлис танаффусида бадантарбия билан шуғулланаётгани акс этган видео тарқалди. ИИББ матбуот хизмати бу ҳолатга изоҳ берди.
Қайд этилишича, пойтахтда 3 кун давомида ўтган ушбу мажлисда, аниқроғи, ўқув семинарда Тошкент шаҳри, Наманган, Андижон ва Қашқадарё вилоятидаги ички ишлар органлари бўлинмалари бошлиқларининг ўринбосарлари, ҳокимликнинг ёшлар масалалари бўйича вакиллари, шунингдек, Ёшлар иттифоқининг ҳудудий бўлимлари ва маҳалла фуқаролар йиғинлари вакиллари иштирок этган.
Ажратилган қисқа вақт ичида иштирокчилар ёш йигит ва қизлар учун долзарб бўлган кўплаб масалаларни кўриб чиқиши лозим бўлган.
Семинар танаффус вақтларида эса иштирокчилар бадантарбия билан шуғулланиб, офисларда компьютер қаршисида ўтириб ишлайдиганлар учун мўлжалланган осон жисмоний машқларни бажарган.
Изоҳ (0)