Ўзбекистоннинг Нур-Султон шаҳридаги (Қозоғистон) элчихонаси берган маълумотга кўра, 27 январь куни 52 нафар йўловчи, жумладан, 42 нафар Ўзбекистон фуқаролари бўлган автобус Шимолий Қозоғистон вилояти ҳудудида қорда қолиб кетган, деб ёзмоқда ТИВ матбуот хизмати.
Қайд этилишича, барча йўловчилар йўл-патрул хизмати ходимлари томонидан эвакуация қилинган ва 30 январь куни автобус маршрут бўйича ҳаракатланишда давом этган.
Аномал об-ҳаво шароити туфайли Қозоғистоннинг қатор ҳудудларида фавқулодда вазият режими жорий этилган, муҳим автотрассалар ёпилган.
Шу муносабат билан ТИВ Консуллик-ҳуқуқий департаменти Ўзбекистон фуқаролари қиш мавсумида автобус ёки бошқа транспорт турларида Қозоғистонга киришда ёки унинг ҳудудидан ўтишда эҳтимолий хатарларни ҳисобга олиш ва тегишли чоралар кўришга эътибор қаратиш зарурлигини яна бир бор эслатиб ўтган.
Изоҳ (0)