Россиянинг Пермь шаҳрида банкоматни портлатиб, пулларни ўғирламоқчи бўлган 4 нафар ўзбекистонлик қўлга олинди, деб хабар бермоқда АиФ.
Маълум бўлишича, улар қўлбола портловчи қурилма билан 3 миллион рублдан ортиқ пул бўлган банкоматни портлатишга уринган, лекин бунинг уддасидан чиқа олмаган. Улар қўлга тушишдан қўрқиб, жиноят жойидан яширинган. Кейинчалик ҳуқуқ-тартибот ходимлари томонидан қўлга олинган.
Уларга йирик миқдордаги талончилик қилишга уриниш, портловчи қурилма тайёрлаш, сақлаш, ташиш айбловлари қўйилиб, суд томонидан 5 йилдан 7 йилгача озодликдан маҳрум қилиш ва 300 мингдан 350 минг рублгача жарима жазоси тайинланган.
Изоҳ (0)